काठमाडौं, १३ बैशाख ।   अनुगमनका लागि नेपालगञ्ज पुगेको सरकारी टोलीलले स्थिति भयावह रहेको प्रारम्भिक निष्कर्ष निकालेको छ । ‘स्थिति एकदमै भयावह छ । अहिले प्रारम्भिक चरण हो । बाँके मात्र होइन अब देशभर नै फैलन्छ,’ अनुगमनका लागि नेपालगञ्ज पुगेका स्वास्थ्य मन्त्रालयका कोभिड फोकल पर्सन डा. महेन्द्र श्रेष्ठले भन्नुभयो ‘यहाँ अस्पतालहरू भरिएको छ । अस्पताल विस्तार गर्न आज सबै निकायसँग छलफल गर्दै छौँ ।’द्रूत गतिमा संक्रमण फैलिएको उनको निष्कर्ष छ । ‘अरु रोग नभएका युवको मृत्यु भइरहेको छ । छिटो छिटो संक्रमण सरेको छ,’ श्रेष्ठले भन्नुभयो, ‘युवा र बालबालिका बढी टार्गेटमा परेका छन् ।’संक्रमितले अस्पताल भरिएपछि नेपालगञ्जले माग्यो मेडिकल सहायता, कहिले पुग्ला टुंगो छैन परीक्षण, कन्ट्याक्ट ट्रेसिङ र नाकामा कडाइ गर्नुपर्ने देखिएको समेत उहाँले बताउनुभयो । कोरोना संक्रमण र मृत्युको दर उच्च भएपछि स्वास्थ्य तथा जनसंख्या मन्त्रालयका कोभिड फोकल पर्सन डा। महेन्द्र श्रेष्ठको टोली नेपालगञ्ज पुगेको हो ।