काठमाडौं, १४ बैशाख । सर्वोच्च अदालतले कोरोना सङ्क्रमण र त्यससँग सम्बन्धित दर्ता तथा सुनुवाइबाहेक कार्यालयबाट हुने अन्य काम, कारबाही स्थगन गरेको छ । अदालतका सह–प्रवक्ता देवेन्द्र ढकालले एक विज्ञप्ति निकालेर अदालतमा बन्दी प्रत्यक्षीकरण तथा कोरोना महामारीसँग सम्बन्धित अत्यन्त जरुरी प्रकृतिका जीवन र जनस्वास्थ्यसँग सम्बन्धित रिट निवेदनको दर्ता र सुनुवाइबाहेकका अन्य काम र सेवा स्थगन गरिएको बताउनुभयो । उच्च अदालत, जिल्ला अदालत, अन्य अदालत र न्यायाधिकरणहरूको हकमा स्थानीय परिस्थिति तथा जोखिमको अवस्था हेरेर सम्बन्धित अदालत कार्यालयले समन्वय गर्नुपर्ने विज्ञप्तिमा उल्लेख छ । यसको व्यवस्थापकीय समन्वय भने सर्वोच्च अदालत प्रशासनले गर्ने जनाइएको छ ।
८ असार २०८३, सोमबार
सर्वोच्चले बन्दी प्रत्यक्षीकरण र कोरोनासँग सम्बन्धित दर्ता तथा सुनुवाइबाहेकका काम स्थगन गर्ने
प्रतिक्रिया दिनुहोस्