काठमाडौं, १५ जेठ । आर्थिक वर्ष २०७८/०७९ को बजेट भाषण गर्न अर्थमन्त्री विष्णु पौडेल प्रधानमन्त्री कार्यालय सिंहदरबार पुग्नुभएको छ । हातमा बजेटको ब्रिफकेस बोकेर अर्थमन्त्री पौडेल प्रधानमन्त्री कार्यालय पुगेका हुन् । प्रधानमन्त्री तथा मन्त्रिपरिषद्को कार्यालयको सभा हलमा अर्थमन्त्रीले बजेट भाषण गर्नुहुनेछ । प्रतिनिधि सभा विघटन भएपछि सरकारले अध्यादेशमार्फत बजेट ल्याउन लागेको हो । प्रधानमन्त्री निवास बालुवाटारमा बिहान बसेको मन्त्रिपरिषद् बैठकले बजेट पारित गरेको थियो । बजेट भाषण समारोहमा प्रधानमन्त्री केपी शर्मा ओली, मन्त्रिपरिषद्का सदस्य तथा सत्तारुढ दल एमालेका नेताहरू उपस्थित हुनुहुन्छ ।
Accuracy, Balance & Credibility - JOURNALISM
प्रतिक्रिया दिनुहोस्