काठमान्डौ ५ साउन

मनसुन सक्रिय भएसँगै देशभरको मौसम बदलीएको छ । मौसम बदली भएसँगै विभिन्न  स्थानमा वर्षा जारी छ ।

हाल देशभर मौासम सामान्यदेखि पूर्ण बदली रही प्रदेश १, गण्डकी बागमती र सुदूरपश्चिम प्रदेशका केही स्थानहरुमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ ।

आज दिउँसो देशभर मौसमबदली भइ धेरै स्थानहरुमा हल्का र मध्यम खालको वर्षाको सम्भावना रहेको र गण्डकी, लुम्बिनी तथा सुदूरपश्चिम प्रदेशका थोरै स्थानहरुमा मेघगर्जनरचट्याङ्गसहित भारी वर्षाको सम्भावना रहेको जनाइएको छ ।

सुदूरपश्चिम प्रदेशको एक वा दुई स्थानहरुमा धेरै भारी वर्षाको सम्भावना रहेको छ ।

त्यस्तै, राति देशभर सामान्यदेखि पूर्ण बदली रही धेरै स्थानहरुमा हल्कादेखि मध्यम खालको वर्षा हुने सम्भावना रहेको छ ।

‘धेरै भारी वर्षाको सम्भावना रहेका पहाडी भूभागमा भूक्षय, पहिरोको जोखिम रहेको साथै नदीनाला तथा खहरे खोलाहरुमा पानीको सतह बढ्न सक्ने तथा दैनिक जीवनरयातायात क्षेत्र प्रभावित हुन सक्ने भएकोले आवश्यक सतर्कता अपनाउन हुन अनुरोध छ,’ महाशाखाले बिहान जारी गरेको सूचनामा उल्लेख गरिएको छ ।