काठमाडौं । प्रधानमन्त्री शेरबहादुर देउवाले पोखरा अन्तर्राष्ट्रिय विमानस्थल निर्माणमा देखिएका समस्या समाधान गर्ने आश्वासन दिनुभएको छ ।सोमबार हेलिकोप्टरबाटै विमानस्थलको भौतिक निर्माण हेरेर ओर्लनुभएका प्रधानमन्त्री देउवाले सबैको कुरा सुनेपछि समस्या समाधान गर्ने प्रतिबद्धता जनाउनुभयो । ‘काम नरोक्नू, अरु काम हु“दै गर्छ’, भन्दै उहा“ले समस्या समाधान गर्ने आश्वासन दिनुभएको थियो ।

प्रधानमन्त्री देउवालाई विमानस्थल आयोजना प्रमुख विनेश मुनकर्मीले निर्माण क्रममा देखिएका समस्याबारे जानकारी गराउ“दै विमानस्थलको पूर्वतर्फ रहेको रिट्ठेपानी डा“डा कटानका लागि पूरक ईआईए गर्न पुनः निर्णय गर्नुपर्ने देखिएको बताउनुभयो । आयोजना प्रमुख मुनकर्मीले विमानस्थलमा नहर, ढल र बर्खामा आकाशे पानीले समस्या ल्याउ“दा ढलको पानी तर्काउनुपर्ने, विमानस्थलनजिकै रहेको ल्यान्डफिल साइट सार्नुपर्ने, नेपाल आयल निगमले विमानस्थलमा इन्धन भण्डारण बनाउनुपर्नेलगायत समस्या रहेको जानकारी गराउनुभएको थियो ।

चिनिया“ कम्पनी सीएएमसीले सन् २०२१ जुलाई १० मा विमानस्थल नेपाली पक्षलाई हन्तान्तरण गर्ने घोषणा गरेको थियो। तर कोरोना महामारीका कारण ठेकेदार कम्पनीले एक वर्ष समय थपेको छ । विमानस्थलको रनवे,ट्याक्सी वे, एप्रोन,पार्किङ र ह्याङ्गर एप्रोन, बत्ती जडानका काम भइसकेका छन् भने भित्री बाटोको काम पनि ७० प्रतिशत सकिएको छ । विमानस्थलको टर्मिनल भवन तयार छ। समग्रमा विमानस्थलको ८४ प्रतिशत भौतिक काम सकिएको मुनाकर्मीले बताउनुभयो ।