बुटवल ,२१ पुस ।रुपन्देहीको देवदह नगरपालिकामा गोली प्रहारबाट एकजनाको मृत्यु भएको छ । टाउकोमा गोली घाइते भएका रुपन्देही देवदह नगरपालिका २ सुर्यपुराका बलु भन्ने बसन्त पौडेलको बुटवल स्थित लुम्बिनी अञ्चल अस्पतालमा उपचारको क्रममा मृत्यु भएको छ । आज बिहान ११ बजे मोटरसाईकलमा आएका २ जनाले देवदह २ ढेकार स्थित आफ्नै काठ मिलमा बसिरहेको अवस्थामा पौडेलमाथी गोलि प्रहार गरेका थिए । गोलि प्रहार लगत्तै उनीहरु रोहणिी खोलाको किनार हुंदै भागेको स्थानीयबासीले बताएकाछन् ।
गोली हान्नेहरुको पहिचान खुलेको छैन । प्रहरीले गोली हान्नेहरुको खोजी जारी राखेको जनाएको छ । प्रहरीले गत वर्ष हत्या गरिएका दुर्गा तिवारीमाथी गोलि प्रहार गर्ने समुहले नै पौडेलमाथी गोलि हानेको अनुमान गरेको छ ।

पौडेलको मृत्यु लगत्तै उनका आफन्तहरुले सुरक्षाको माग गर्दै बुटवलमा सवारी आवागमन बन्द गराएकाछन् । एक्कासी सवारी बन्द गराएका कारण गन्तब्य नपुग्दै सयौ यात्रुहरु सडकमै अलपत्र परेकाछन् ।
मृतक पौडेल एमालेका स्थानीय कार्यकर्ता समेत हुन् ।