काठमाडौं । आगामी जेठमा स्थानीय तहको निर्वाचन हुने भएपछि कांग्रेसका नेताहरूले चुनावी रणनीति बनाउनेबारे छलफल थालेका छन् । केन्द्रीय पदाधिकारीसहित केन्द्रीय सदस्यहरूले कांग्रेसले अपनाउनुपर्ने चुनावी रणनीतिबारे आज केन्द्रीय कार्यालयमा विज्ञहरूस“ग छलफल गरेका हुन् । छलफलमा उपसभापति धनराज गुरुङ, महामन्त्री गगनकुमार थापा, सहमहामन्त्रीहरू जीवन परियार र बद्री पाण्डे सहभागी हुनुभएको थियो । त्यस्तै, करीव १ दर्जन केन्द्ीय सदस्यहरु र मुख्यसचिव एवम् राष्ट्रिय सभा सदस्य कृष्णप्रसाद पौडेल लगायत नेताहरू छलफलमा सहभागी थिए ।

छलफलका क्रममा धेरै मतान्तरले कांग्रेस पराजित भएका स्थान, कम मतले पराजित भएका स्थान, तत्कालीन गठबन्धनले पु¥याएको लाभ र तालमेल भए पनि चुनावी नतिजा अर्को पक्षमा गएका स्थानका बारेमा विज्ञहरूले तथ्य प्रस्तुत गरेका थिए । छलफलमा स्थानीय तहका विज्ञ तथा सांसद खिमलाल देवकोटा र काठमाडौं विश्व विद्यालयका प्राध्यापक कृष्ण पौडेल सहभागी थिए ।