अछाम, २ माघ । चोरी पनि थरिथरिका कैलालीबाट २२ ओटा घोडा चोरेर अछाम सम्म लगिएको छ । चोरी गरेर अछाम लगिएका २२ घोडा प्रहरीले नियन्त्रणमा लिइ कैलाली पठाएको छ । कैलालीको बलियाबाट २२ वटा घोडा अछामको तुर्माखा गाउँपालिकामा पुर्याएपछि सोधपुछ गर्दा चोरी गरेर ल्याएको थाह पाएर भैरवस्थान प्रहरी चौकीले नियन्त्रणमा लिएको थियो ।
पुस २९ गते बेलुका हुम्लाको अलानचुली गाउँपालिका–४ का धर्मराज संज्यालले घोडा चोरीगरी ल्याएकाले घोडासहित एक व्यक्तिलाई प्रहरीले पक्रेको थियो ।
चोरी गर्ने व्यक्तिलाई इलाका प्रहरी कार्यलय कैलाली लगिएको छ भने घोडा पनि कैलाली पठाइएको जिल्ला प्रहरी कार्यालय अछामका प्रहरी नायव उपरीक्षक दधिराम न्यौपानेले जानकारी दिए । संज्यालले कैलालीको सुगरखाल हुँदै ल्याउन लागेका साना ठूला २२ वटा घोडा छन् ।
प्रतिक्रिया दिनुहोस्