काठमाडौं, २९ असार । नेपाल भ्रमणमा रहेका चिनियाँ कम्युनिष्ट पार्टी ९सीपीसी० का विदेश विभाग प्रमुख लिउ जियानचाओले रष्ट्रपति विद्यादेवी भण्डारीसँग भेटवार्ता गरेका छन् ।लिउ प्रतिनिधि मण्डलका सदस्यहरुसहित बुधबार राष्ट्रपति भट्ने शीतलनिवास पुगेका थिए ।

भेटमा नेपाल–चीन सम्बन्धका विविध विषयमा कुराकानी भएको राष्ट्रपति कार्यालयले जनाएको छ । त्यस क्रममा राष्ट्रपति भण्डारीले चीन नेपालको असल मित्र र छिमेकी भन्दै नेपालमा चीनविरोधी गतिविधि हुन नदिने प्रतिबद्धता जनाइन् ।चार दिने भ्रमणका सिलसिलामा आइतबार नेपाल आएका लिउले यसअघि प्रधानमन्त्री शेरबहादुर देउवा, एमाले अध्यक्ष केपी ओली, माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल र परराष्ट्रमन्त्री डा। नारायण खड्कासँग भेटेका थिए । लिउ भ्रमण पूरा गरी आजै बेइजिङ फर्कने कार्यक्रम छ ।