काठमाडौं, ११ माघ । प्रदेश नम्बर तीनको प्रदेश सभाको पहिलो बैठक माघ १८ गते बस्ने भएको छ ।
प्रदेश प्रमुख अनुराधा कोइरालाले माघ १८ गते दिउँसो १ बजेका लागि पहिलो बैठक आह्वान गरेकी छन् ।
तीन नम्बर प्रदेशका प्रमुख सचिव रेश्मीराज पाण्डेका अनुसार बैठक क्षेत्रीय शिक्षा निर्देशनालयको भवनमा बस्ने तय भएको छ।
संवैधानिक व्यवस्था अनुसार निर्वाचन आयोगले प्रदेश सभाको अन्तिम परिणाम बुझाएको २० दिनमा पहिलो बैठक बस्नुपर्ने हुन्छ।
बाँकी ६ प्रदेश सभाको पहिलो बैठकको भने अहिले सम्म टुङ्गो लागेको छैन।
प्रतिक्रिया दिनुहोस्