काठमाडौं २४ माघ । नेपाल आयल निगमले पेट्रोल, डिजेल र मट्टितेलको साबिकको खुद्रा मूल्यमा प्रतिलिटर ३र३ रुपैयाँले बढाएको छ।

पेट्रोल डिजेल र मट्टितेलको मूल्य प्रतिलिटर ३ रुपैयाँले बढ्यो
। निगमले सोमबार मध्यरातदेखि लागू हुने गरी पेट्रोल, डिजेल र मट्टितेलको मूल्य बढाएको हो।

निगमका अनुसार पेट्रोल, डिजेल र मट्टितेलमा प्रतिलिटर ३ रुपैयाँ बढाइएको छ। नयाँ मूल्यअनुसार काठमाडौँ उपत्यकामा पेट्रोल प्रतिलिटर १७८ रुपैयाँ, डिजेल र मट्टितेल प्रतिलिटर १७५ रुपैयाँ कायम भएको छ। यसअघि पेट्रोल १७५ र डिजेल र मट्टितेल प्रतिलिटर १७२ रुपैयाँमा विक्री भइरहेको थियो।

नियमले खाना पकाउने एलपी ग्यास र हवाई इन्धनको मूल्य भने यथावत् राखेको छ। एलपी ग्यास प्रतिसिलिन्डर १८ सय, हवाई इन्धन आन्तरिकतर्फ प्रतिलिटर १७० र बाह्यतर्फ प्रतिलिटर १।४२० डलर रहेको निगमले जनाएको छ।

निगमका अनुसार इन्डियन आयल कर्पोरेसन लिमिटेबाट फेब्रुअरी १ मा प्राप्त मूल्यसूचीअनुसार पेट्रोलमा प्रतिलिटर ८।०१ रुपैयाँ, डिजेलमा प्रतिलिटर ७।९८ र मट्टितेलमा प्रतिलिटर ४।६१ रुपैयाँले बढेर आएको थियो भने खाना पकाउने एलपी ग्यास केही घटेर आएको थियो।

फेब्रुअरी १ देखि १५ सम्मको अनुमानित नोक्सानीको अवस्थालाई मध्यनजर गर्दै निगम व्यवस्थापनको सोमबारको निर्णयअनुसार इन्धनको खुद्रा बिक्री मूल्य प्रतिलिटर ३ रुपैयाँले बढाएको निगमले जारी गरेको विज्ञप्तिमा उल्लेख छ। निगमलाई इन्डियन आयल कर्पोरेसनले १५(१५ दिनमा मूल्यसूची पठाउने गर्छ, सोहीअनुसार निगमले इन्धनको मूल्य समायोजन गर्ने गरेको छ।