काठमाडौं । राष्ट्रपति निर्वाचनबारे छलफल गर्न नेकपा (एकीकृत समाजवादी) ले सचिवालय बैठक बोलाएको छ । बुधबार दिउँसो १ बजे पार्टी केन्द्रीय कार्यालय आलोकनगरमा बैठक बस्न लागेको पार्टीका महासचिव डा. बेदुराम भुसालले जानकारी दिए ।
बैठकमा अध्यक्ष नेपालले विकसित राजनीतिक घटनाक्रमबारे ब्रिफिङ गर्ने र राष्ट्रपतिको निर्वाचनको विषयमा पार्टीको धारणा बनाउने कार्यसूची छ ।
नेकपा एमालेका अध्यक्ष केपी शर्मा ओलीले अध्यक्ष नेपाललाई भेटेर राष्ट्रपति दिएर पार्टी एकताको प्रस्ताव गरेको चर्चा छ । बैठकमा ओलीसँगको भेटबारे पनि अध्यक्ष नेपालले पार्टीमा जानकारी गराउने जनाइएको छ ।
प्रतिक्रिया दिनुहोस्