काठमाडौं, १४ माघ । एमाले केन्द्रिय उपाध्यक्ष भीम रावलले मेल्लेख गाउपालिकाको विकासका लागि आफुले सधै लागि परेको र अझै लागि रहने बताउनुभएको छ। अछाम क्षेत्र नं १ साँसद समेत रहेका रावलले मेल्लेख अन्य गाउपालिका भन्दा विकासित गाउपालिका भएको दावि गर्दै अझै विकासका लागि सम्पूर्ण मेल्लेखवासिले लाग्नु पर्ने र आफुले सक्दो सहयोग गर्ने बताउनुभयो ।

मेल्लेखमा भएको संयूक्त बामगठबन्धनको बधाई तथा शुभकामना कार्यक्रमलाई सम्बोधन गर्दै रावलले स्थायी सरकार नहुदाँ देशमा बेरोजारी समस्याले हजारौ नेपाली यूवा विदेशिनु पर्ने वाध्यता भएको बताउनुभयो । उहाँले अब बन्ने वामगठबन्धको सरकारले विदेशिएका यूवाहरुलाई स्वदेशमै स्वरोजगारको ब्यवस्था हुने बताउनुभयो ।

उपाध्यक्ष रावलले अब केहि दिनमै एमाले र माओवादी केन्द्रले नयाँ सरकार गठन, पार्टी एकिकरण गर्ने बताउनु भयो । यस्तै एमाले जिल्ला अध्यक्ष शेरबहादुर कुँवरले प्रदेश सभा, स्थानिय सरकारले जिल्लाको गरीवि, बेरोजारी समस्यालाई समाधान गर्दै गुणस्तरी शिक्षा, स्वास्थ्य ,सडक लगायतको सम्बोधन हुने बताउनुभयो ।

राष्ट्रिय सभा सदस्य समेत रहेका कुँवरले अछामको समृद्ध विकासको लागि आफु सधै महत्वपूर्ण भूमिका खेलेको र आगामि दिनमा पनि विकासले फट्को मार्ने बताउनुभयो ।

यस्तै अछाम क्षेत्र नं २ प्रतिनिधि सभा सदस्य यज्ञ बोगटीले जिल्लामा आएको विकासे वजेटको सहि सदुपयोग गरी आफ्नो गाउ नगरको विकासमा सम्पूर्ण जनताले लाग्नु पर्ने बताउनुभयो ।

एमाले प्रदेश सदस्य तथा साफेबगर नगरपालिका प्रमुख कुल बहादुर कुँवरले साफे देखि मेल्लेख गाँउपालिका सम्म रहेको सडकलाई नगरले फराकिलो पार्दै लैजाने प्रतिबद्धता जनाउनुभयो । प्रदेश सभा सदस्य मीना साँउदले महिलाका हक हितमा बनेको संविधानका निती नियमहरु प्रदेश सभामा कार्यान्वयन गर्ने बताउनुभयो ।

यस्तै प्रदेश सभा सदस्य गोविन्द कुँवरले पिछडिएको क्षेत्रको विकास निर्माणका कार्यका लागि प्रदेश सभामा जोडदार माग उठाउने बताउनुभयो ।

कार्यक्रममा मेल्लेख गाउँपालिका अध्यक्ष लोक बहादुर बोहरा, वडा अध्यक्ष नरपति रावल,माओवादी केन्द्रका नेतृ ईश्वरी खड्का, एमाले नेता डम्मर नेपाली, पेशागत महाँसंघका जिल्ला अध्यक्ष भीम बुढा लगायतको उपस्थिती थियो ।

एबीसी रिर्पोटर एकेन्द्र महता