रहेना

व्यापारी हुन् ऊनी !!

तर, बोलीचालीको भाषामा उनलाई अर्कै भन्छ !!

त्यो गाली, हो त्याे सम्बोधन गर्न सक्दैन,

अनि चाहँदैन पनि !!!

आम्दानी गर्छ सबैको भोक मेटाउँछ,

प्यास मेटाउँछ !! अनि अनि अनि…………

भक्कानिन्छ पलपल, अश्रु बग्छ तलपल!!

तर पनि गर्व गर्छ ऊ आफैले किनकि किनकि……

उसले परिवार हेरेको छ,परिवार पालेको छ!!

ऊ त एक व्यापारी पो हाे ,

व्यापार गरेर बसेको छ ,

व्यापार गरेर खाएको छ !!!

कसैको केही चोरेको छैन ,

कसैलाई केही गरेको पनि छैन कसैले गराएर खाएको छ!!!

आफुसंँग जे छ त्यो बेचेर खाएको छ उसले!!

ऊ, ऊ त एक लाचार प्राणी सिथिल बनी निरीह जन्तु सरी सुम्पिएको हुन्छ !!

त्याे नै उनकाे कर्म बनेको छ, त्याे नै उनकाे व्यापार कहलिएको छ !!!

त्याे नै उनकाे बाध्यता, त्याे नै उसकाे विवशता!!

बुझिदिन्छ कस्ले? बुझ्दै नबुझी मानव रूपी प्राणीको तथानाम गाली सुन्न सक्दैन!!

सजिलो छैन उनकाे व्यापार, कसैले गर्छु भनेर गर्न सक्दैन!!

गाह्राे पो छ त उनकाे व्यापार!!!

आँखा बन्द गर्दै आफुले आफैलाई मार्नुपर्छ!!

आफ्नो आत्मालाई मुठ्ठी मा राखी घच्घच्याउनु पर्छ त्याे देह !!

कहाँ सकेको हाे र उनले पनि खुशीले व्यापार गर्न उनकाे पनि बाध्यता छ ……देह व्यापारी बन्न!!

मन छैन उनलाई त्याे व्यापार ठूलो बनाउन!!

अनि मन छैन उनलाई त्यो व्यापार प्रगाढ पार्न !!!

रुन्छ मन, दुख्छ तन तर पनि रोक्न सक्दैन देह बेच्न!!!

कोशिश त गरेको नै हुन्छ!!

विश्राम दिनेछु त्यो कामलाई अनि त्यो व्यापारलाई!!

नचाहेरै पनि जन्मेका उनका लालाको भोको पेट ,

अनि रोगले ग्रसित उनकी जगत जननीका लागि अपनाउनु पर्ने उनको विवशता !!

देख्छ कस्ले अनि थाम्छ कस्ले??