काठमाडौं,१५ माघ । उम्मेदवारी वदर गरिएको भन्दै राष्टिय सभामा उम्मेदवारी दिएका रामबहादुर थापाले निर्वाचन आयोगसहित ३ जना विरुद्ध सोर्वोच्च अदालतमा रिट दर्ता गरेका छन् । सर्वोच्च अदालतमा राष्ट्रियसभा सदस्य प्रदेश नम्बर ४ को अपाङगता समूह अन्तर्गतका अपाङसम्बन्धी प्रमाणपत्र ठिक नभएको भन्दै उनले रिट दायर गरेका हुन् ।

अपांगता समूह अन्तर्गतको कोटामा आफूलाई उमेदवार हुन् वञ्चित नगराई पुनः निर्वाचन गराउन तथा सो कोटा अन्तर्गत नेपाली कांग्रेसका उम्मेदबार प्रकाश पन्तलाई राष्ट्रियसभा सदस्य निर्वाचन अध्यादेश ०७४ को दफा ५६ अन्तर्गत निर्वाचित भएको घोषणा नगर्न उनले आग्रह गरेका छन् । थापाले सपथ ग्रहण गराई उक्त कोटामा राष्ट्रियसभा सदस्यको रुपमा कामकाज गर्न नदिन भनी विपक्षीका नाममा आन्तरिम आदेशको माग गरेका छन् ।

आपाङगता भएको पछिल्लो प्रमाणपत्र नलिएकोले अपाङग नभएको भन्दै उनको उमेदवारी वदर गरिएको थियो ।

रिटमा २०६२ सालमा नियमावलीको नियम ५ बमोजिम जारी भएको प्रमाणपत्र लिदाको अवस्थामा आफू शारीरिक अपाङगताको अवस्थामा रहेको र ०७४–१०–१२ मा अपाङगताको प्रमाणपत्र पाएको भन्दै आफ्नो प्रमाणपत्र नैं २६५३६७२ रहेको उनले रिटमा उल्लेख गरेका छन् ।