काठमाडौं, १५ माघ । अवैधरुपमा ल्याउदै गरेको लागुऔषधसहित चन्द्रागिरी नगरपालिका–२ नागढुंगा चेकपोष्टले सप्तरीको बोदेबरसाईन नगरपालिका–८ काचन निवासी १६ बर्षीय कृष्ण दासलाई पक्राउ गरेको छ ।

सवारी साधन जाँच गर्नेक्रममा उदयपुरबाट काठमाडौँतर्फ आउँदै गरेको ना.६ ख ७१०० नम्वरको बसमा सवार दासको झोलामा प्रहरीले लागुऔषध भेटाएको हो ।

प्रहरीले झोलाबाट नाइट्रोभेट ३ सय २० ट्याव्लेट, फेनरागन सुई २ सय ३० थान र लेटिजेसिक १ सय ९७ थान बरामद गरेको छ ।

यसैगरी नेपालगंजबाट काठमाडौँतर्फ आउँदै गरेको ना.५ ख ८९३८ नम्वरको यात्रुबाहक बसमा सवार हुम्लाको सिमकोट गाउँपालिका–८ स्याडा घर भएका नरबहादुर बुढालाई पनि लागूऔषध निट्राभेट ९ सय २० थान सहित सोही चेकपोष्टमा प्रहरीले पक्राउ गरेको छ ।

यस्तै धादिङबाट काठमाडौँतर्फ आउँदै गरेको बा.३ ख ३०५७ नम्वरको बसमा सवार धादिङको मुलुङ घर भएका २२ बर्षीय सागर तामाङलाई लागूऔषध चरेश ५ सय ग्राम सहित सोमबार पक्राउ गरेको छ ।

घटनाका सम्बन्धमा प्रहरीले आवश्यक अनुसन्धान गरिरहेको छ ।