काठमाडौं १ साउन ।
व्यवस्थापिका संसद अन्तर्गतको संसदीय सुनुवाई विशेष समितिले भावी प्रधानन्यायाधीशका लागि गोपालप्रसाद पराजुलीको नाम अनुमोदन गरेको छ ।
सिंहदरबारस्थित समितिको कार्यालयमा आज बसेको बैठकले प्रधानन्यायाधीशमा प्रस्तावित कामु प्रधानन्यायाधीश पराजुलीको नाम सर्वसम्मतिले अनुमोदन गरेको हो ।
प्रस्तावित प्रधानन्यायाधीश पराजुली विरुद्ध गुनासो, उजुरीका लागि समितिले आह्वान गरेको सार्वजनिक सूचनामा कुनै पनि निवेदन परेको थिएन । उजुरीका लागि समितिले १० दिनको समय दिएको थियो ।
समितिको बैठकले योग्यता लगायत सम्पूर्ण मापदण्डका आधारमा प्रधानन्यायाधीशमा प्रस्तावित पराजुलीको नामलाई सर्वसम्मतिले अनुमोदन गरेको हो ।
२०४८ साल कात्तिक २१ गते न्यायाधीश बनेका पराजुलीले न्याय सेवामा २६ वर्ष बिताइसक्नुभएको छ ।
प्रतिक्रिया दिनुहोस्