काठमाडौँ, १५ चैत । प्रधानमन्त्री पुष्पकमल दाहाल ‘प्रचण्ड’ले मुलुकको भूराजनीतिक अवस्थिति र अन्तर्राष्ट्रिय एवम् क्षेत्रीय रूपमा शक्ति राष्ट्रहरूको सामरिक सामर्थ्यको बढोत्तरीले सुरक्षा चुनौती बढेको बताएका छन् ।
राष्ट्रिय सुरक्षा तालिमको समापन समारोहलाई मंगलबार सम्बोधन गर्दै प्रधानमन्त्री प्रचण्डले अहिलेको सुरक्षा चुनौतीका आयमबारे धारणा राखेका हुन् ।
उनले राष्ट्रिय एकता र सुरक्षामाथि प्रहार गर्न खोज्ने अतिवादी एवम् पृथकतावादी सोच, दक्ष जनशक्तिको पलायन, खुला सिमाना र त्यसले निम्त्याउन सक्ने आपराधिक गतिविधिलगायतका चुनौतीको एकसाथ सामना गर्नु परिरहेको उनको भनाइ थियो ।
प्रधानमन्त्री प्रचण्डले परिवर्तित परिस्थितिमा राष्ट्रिय सुरक्षा नीतिको सही मूल्यांकन, अध्ययन र विश्लेषण गर्नु जरूरी रहेको पनि बताए ।
प्रतिक्रिया दिनुहोस्