काठमान्डौ ६ असार
आजकल खै किनहो
देश दुखे पनि मन दुख्दैन।
रगतले साटिएका
बलिदानका गाथाहरु
दलालहरुले लेख्न थालेपछि
खल्ती च्यातिएको कमिज देखेर
सहयात्रीलेनै उनलाई हेप्न थाले पछि
आजकल खै किनहो
सायद कठिन बाटोले ददारेका खुट्टाहरुमा
खाला गएर पैतला खिइए पछि
सपना देखाउनेहरुनै दलाल संग बिकेर
जनताहरुलाई धोका दिए पछि
खै किन हो देश दुखे पनि मन दुख्दैन।
देश बनाउछौं भनेर
बलिदानी साटेका हरुले
ब्यापारीक भाषा बोल्न थाले पछि
दुनियाँ बदल्छौ भनेर कफन बाधेकाहरुले
गरीब निमुखा हरुलाई ढांट्न थाले पछि
खानै नपाएर दुइछाक
अनसन बस्दा पनि
खै किन हो मन दुख्दैन।
बरु लाजले शिर निउरीन थाल्छ
अपराधी हरुलाई बचाउन खोजेको देख्दा
आफैलाई ग्लानि हु्न्छ
यस्ता प्रवृत्तिको बिषयमा लेख्दा
र पनि आजकल खै किनहो
देश दुखे पनि मन दुख्दैन।
प्रतिक्रिया दिनुहोस्