बाँके, २१ माघ । आइतबार बिहान बाँकेमा बस दुर्घटना हुँदा ६ जना गम्भीर घाइते भएका छन् ।
बाँकेको बैजापुरबाट नेपालगञ्ज तर्फ आउँदै गरेको ना ३ ख ९७५९ नम्बरको बस पूर्व–पश्चिम राजमार्गको अभैयादेखि ३ किमि पश्चिममा पल्टिँदा ६ जना गम्भीर घाइते भएको प्रहरीले जनाएको छ ।
इलाका प्रहरी कार्यालय कोहलपुरले बस दुर्घटनाको पुष्टि गरे पनि विस्तृत विवरण भने नआएको बताएको छ । अनियन्त्रित भर्इ सडकमै बस पल्टेकाले पूर्व–पश्चिम राजमार्ग अहिले अवरुद्ध बन्न पुगेको छ । सडकमा पल्टेको बसका दुवैतर्फ लामो जाम लागेको छ ।
इलाका प्रहरी कार्यालय केवलपुरका अनुसार, अहिले प्रहरी र स्थानीयको सहयोगमा उद्धार र अवरुद्ध राजमार्ग खुलाउने प्रयास भइरहेको प्रहरीले जानकारी दिएको छ ।
प्रतिक्रिया दिनुहोस्