काठमाडौं, २२ साउन । कृषि विकास बैंकले गएको शनिबार वित्तीय विवरण सार्वजनिक गर्‍यो । बैंकले प्रतिसेयर १९।८९ प्रतिशत प्रतिफल दिन सक्ने सम्भावन रहेको विवरणमा उल्लेख थियो । सोही कारण आइतबार कृषि विकास बैंकको प्रतिसेयर मूल्य १७ रुपैयाँले बढ्यो ।

हाल देशमा २० वाणिज्य बैंक छन् । त्यसमध्ये बढी लाभांश दिने चौथो नम्बरमा परेपछि लगानीकर्ता सस्तो सेयर मूल्य भएको बैंकतर्फ आकर्षित भए । यो बैंकको सेयर मूल्य प्रतिकित्ता २५० रुपैयाँभन्दा कम थियो ।

आइतबार २५३ रुपैयाँ २० पैसामा खुलेको सो बैंकको सेयर कारोबार मूल्य बढेर २७३ रुपैयाँ २० पैसासम्म पुगेको थियो । सो दिन बैंकको सेयर कारोबार २६५ रुपैयाँमा बन्द भएको थियो ।

एभरेस्ट, एनआईसी एशिया र स्ट्यान्डर्ड चार्टर्ड बैंकको वितरणयोग्य आम्दानी प्रतिसेयरमा बढी छ । तर, यी बैंकको सेयर मूल्यभन्दा कम भएको कृषि विकासकै सेयर खरिद गर्न लगानीकर्ता आकर्षित भएको देखिन्छ ।

उक्त अपरिष्कृत वित्तीय विवरणमा वितरणयोग्य मुनाफाका आधारमा कृषि विकासले १९।८९ प्रतिशतसम्म लाभांश दिन सक्ने उल्लेख थियो । तर, बैंकले सेयरधनीलाई प्रभाव पर्ने गरी प्रतिफल दिन सक्ने सम्भावनालाई सच्याएर सोमबार सूचना प्रकाशन गरेको छ । सोमबार सार्वजनिक सूचनामा वितरणयोग्य आम्दानी १४।९२ प्रतिशत रहेको उल्लेख छ ।

“कृषि विकास बैंकको आ।व। २०७९र८० को चौथो त्रैमासको मिति २०८०र०४र२० मा प्रकाशित वित्तीय विवरणमा वितरणयोग्य आम्दानी प्रतिसेयर देहायबमोजिम हुनुपर्नेमा अन्यथा भएकोले सच्याइएको छ,” सूचनामा उल्लेख छ ।

शनिबार वित्तीय विवरण प्रकाशन गर्ने र सेयर मूल्यमा प्रत्यक्ष प्रभाव पर्ने सूचक दुई दिनपछि मात्र सच्याउनुले बैंकले लगानीकर्तामाथि खेलबाड गरेको प्रस्ट हुन्छ ।

यस्तै, अघिल्लो वर्षको यस्तो आम्दानी पनि गलत भएको भन्दै सच्याइएको सूचनामा उल्लेख छ । अघिल्लो वर्ष यस्तो आम्दानी प्रतिसेयर ३५।६१ प्रतिशत रहेको उल्लेख थियो । तर, सोमबार त्यसलाई सच्याएर २६।७० प्रतिशत रहेको जनाइएको छ ।

यो बैंकले गएको आर्थिक वर्षको अन्त्यसम्म तीन अर्ब नौ करोड ९३ लाख रुपैयाँ नाफा गरेको छ ।

कसरी निकालिन्छ सम्भावित प्रतिफल रु
वितरणयोग्य मुनाफालाई बैंकको कुल कित्ता सेयरले भाग गरेर सम्भावित प्रतिफल निकाल्ने गरिन्छ ।

यो बैंकको वितरणयोग्य मुनाफा गएको आर्थिक वर्षको असार मसान्तसम्म दुई अर्ब ७१ लाख रुपैयाँ छ । यो वितरणयोग्य मुनाफालाई बैंकको १३ करोड ४५ लाख १६ हजार ७४२ कित्ता सेयरले भाग गर्दा प्रतिफल दिन सक्ने सम्भावना १४।९२ प्रतिशत हुन्छ ।