काठमाडौं, २८ साउन । अर्थमन्त्री समेत रहेका नेपाली कांग्रेसका प्रवक्ता प्रकाशशरण महत संसदीय दलको बैठकमा आक्रोशित भएका छन् । आफूमाथि निरन्तर लाञ्छना लगाउने, होच्याउने तथा व्यक्तिगत प्रहार भएको भन्दै उनले बैठकमा आक्रोश पोखेका हुन् ।

आइतबारको संसदीय दलको बैठकमा उनले आफूमाथि सार्वजनिक टिप्पाणीमा उत्रिएका आफ्नै दलका सांसद डा। सुनील शर्मासँग आक्रोश पोखेका हुन् । बैठकमा सहभागी एक सांसदका अनुसार प्रवक्ता महतले आफूले गल्ती गर्न चाहेको भए देश र पार्टी नै नरहने धारणा राखेका छन् ।

“मलाई लठ्ठु, बेकामे मान्छे भनियो । कसले भन्यो, किन भनियो म भन्दिनँ । पार्टीमा अनुशासन, मर्यादा छैन रु लोभलालच गर्ने भए कर निर्धारणमा म अनेक गर्न सक्थेँ । त्यसो गरेको भए न देश रहन्थ्यो, न पार्टी रहन्छ ।”

उनले आफूमात्र होइन, आफ्नै दाइ रामशरण महतको संस्कार र सभ्यतामा पनि प्रश्न उठाएको भन्दै गुनासो गरेका छन् ।

“मेरो दाइ र मेरो संस्कार छ । कसैलाई म मन पर्दैन, मलाई पनि मन नपर्न सक्छ । म केटाकेटीदेखि पार्टीमा जोडिएर संस्कार र सभ्यता बुझेको छु । प्रतिकृया दिने भए धेरैको बारे धेरै कुरा भन्न सक्छु,” उनले बैठकमा भनेका थिए, “मेरो बारेमा मान्यजीले उठाएको प्रश्नमा भन्न सक्छु । मैले भनिसकेको छु । उहाँलाई पक्राउ गर्ने टाइमिङ्गमा आपत्ति हुन सक्छ । तर, उहाँले जुन् कुरा राख्नुभयो, त्यो ठिक भयो रु यदि यो विषयमा मेरो संलग्नता छ भने कुनै पनि साथीलाई लाग्छ भने प्रमाणित गर्नुहोस् । म एकछिन पनि यो कुर्सीमा बस्दिनँ ।”

उनले आफूविरुद्ध केही व्यक्ति प्रायोजित भएर लागि परेको बताए ।