काठमाडौं, ३० साउन । प्रधानमन्त्री पुष्पकमल दाहाल प्रचण्डले नक्कली भुटानी शरणार्थी प्रकरण नरोकिएको दाबी गरेका छन्। मंगलबार प्रधानमन्त्री निवास बालुवाटारमा सम्पादकहरूसँग कुराकानी गर्दै उनले भ्रष्टाचारविरुद्ध कदम चाल्ने तयारी भइरहेको बेलामा शरणार्थी प्रकरण बीच बाटोमै भेटिएको बताए।

‘करप्सनविरुद्ध केही कदम चाल्ने तयारी भइरहेको बेला नक्कली भुटानी शरणार्थीको केस बाटोमै भेटियो,’ प्रधानमन्त्री प्रचण्डले भने, ‘यो छानबिन राम्रोसँग अगाडि बढेको छ। अब अदालत पुगेको छ, रोकिएको छैन।’

साथै, उनले अर्थतन्त्र जति सुधार हुनुपर्ने हो त्यति नभएको स्वीकार गरे। तर, जनतामा अर्थतन्त्र खराब छ भन्ने धारणा परिवर्तन गर्नेगरी सरकार लागेको दाबी गरे।

‘अर्थतन्त्रमा जति सुधार हुनुपर्ने भएको छैन। जनतामा बनेको अर्थतन्त्र खराब छ भन्ने प्रस्पेक्सन ९धारणा० चेन्ज गर्नेगरी काम गर्ने तयारीमा छन्। पब्लिक प्राइभेट पार्टनरसिपलाई जोड दिएर जानुपर्छ,’ प्रधानमन्त्री प्रचण्डले भने।

ललिता निवासबारे प्रधानमन्त्रीको प्रश्न स् अदालत किन बीचमै बोल्योरु
संसद्‌मा एमालेको अवरोधबारे प्रधानमन्त्री स् फेरि विघटनतिर लान खोजिँदैछ, सफल हुन दिँदैनौँ