काठमार्डौ, ३१ साउन । राष्ट्रिय मानव अधिकार आयोगले लामो समयदेखि माइतीघर मण्डलामा अनशनमा रहेका व्यक्तिहरूको माग सम्बोधन गर्न आग्रह गरेको छ ।
धनुषाकी आरती साहको मृत्यु घटनाका दोषीलाई कारबाही हुनुपर्ने माग राखेर दुई महिनादेखि मृतक साहका आफन्तहरू अनशनमा छन् । त्यसैगरी वैवाहिक बलात्कारको आरोपका दोषीलाई कारबाहीको माग गर्दै आरती रावल पनि अनशनमा छिन् ।
आयोगले बर्खाको समयमा निरन्तर अनशनमा बसेकाले उनीहरूको स्वास्थ्य र दैनिक खानपानमा समेत समस्या भएको देखिएको जनाएको छ । अनशरत पक्षहरूको माग सम्बोधनका लागि हालसम्म सरकारका निकायबाट कुनै पनि पहल नभएको पीडितहरूको गुनासो छ ।
आयोगतले निरन्तर अनशनका कारण स्वास्थ्यमा पर्न सक्ने जोखिमप्रति संवेदनशील हुँदै संवादको माध्यमबाट समस्याको समाधान गर्न दुवै पक्षलाई आग्रह गरेको छ ।
प्रतिक्रिया दिनुहोस्