नेपालगन्ज,२५ माघ ।
बाकेको नेपालगन्ज उप–महानगरपालिकामा सञ्चालनमा रहेका ३ वटा औषधी पसलमा औषधी व्यवस्था विभागले शिलबन्दी गरेको छ ।
अनुगमनको क्रममा मापदण्ड विपरित सञ्चालनमा रहेको पाइएपछि बिहीबार ३ वटा औषधी पसलमा औषधी व्यवस्था विभाग शाखा कार्यालय नेपालगन्जको टोलीले शिलबन्दी गरेको
हो । औषधी व्यवस्था विभाग सहित सरोकारवालाहरुको टोलिले राझा चौक, नेपालगन्ज मेडिकल कलेज र भेरी अञ्चल अस्पताल अगाडि सञ्चालनमा रहेका औषधी पसलमा शिलबन्दी गरेको थियो । नेपालगन्ज उप–महानगरपालिका वडा नम्बर १२ नेपालगञ्ज मेडिकल कलेज अगाडी सञ्चालनमा रहेको दर्शन मेडिकल २१ दिन, वडा नम्बर २० रा“झामा सञ्चालनमा रहेको पवन मेडिकल १५ दिन र वडा नम्बर १३ भेरी अञ्चल अस्पताल अगाडि सञ्चालनमा रहेको हेल्थ स्टार फार्मेसी ३० दिनको लागी बन्द गरिएको छ । औषधी व्यवस्था विभाग शाखा कार्यालय नेपालगन्जका फार्मेसी निरीक्षक यादव प्रसाद ढकालले विभिन्न समयमा गरिएका अनुगमनका ती पसलहरुमा सुचिकृत नभएका औषधी विक्रीवितरण गरिनुका साथै व्यवसायी अनुपस्थित भएको पाइएकाले कारबाही स्वरुप शिलबन्दी गरिएको बताउनुभयो ।
दर्शन मेडिकलमा मुल्य भन्दा बढी औषधी बिक्रीवितरण, व्यवसायी अनुउपस्थित रहेको, पवन मेडिकलमा सुचिकृत नभएका औषधी विक्रीवितरण गरेको र हेल्थ स्टार फार्मेसीमा सुचिकृत नभएका औषधी विक्रीवितरण तथा व्यवसायी अनुउपस्थित रहेको भन्दै तालाबन्दी गरिएको हो । अनुगमन टोलिमा औषधी व्यवस्था विभाग शाखा कार्यालय नेपालगन्ज, बाणिज्य कार्यालय नेपालगन्ज, जिल्ला प्रशासन कार्यालय बा“के, प्रहरी, पत्रकार लगायतको सहभागिता रहेको थियो ।