दैलेख , २० मंसिर । दैलेखको नारायण नगरपालिका वडा नं. ३ भूर्ति स्थित पञ्च देवल प्रा.वि.का विद्यार्थीहरूका लागि न्यानो ड्रेस प्राप्त भएको छ । नौमूले गाउँपालिका सल्लेरी निवासी हाल अमेरिकाको क्यालिफोर्नियामा बसोबास गर्नुभएका मानेन्द्र चन्दले यहाँका विद्यार्थीहरूका लागि ८८ थान ड्रेस उपलब्ध गराएका हुन् । आफूले गरेको कामको केही अंश सामाजिक सेवा लगाउने उद्देश्यका साथ गरिब र विपन्न विद्यार्थीहरूलाई लामो समयदेखि सहयोग गर्दै आएका चन्दले दलित समुदायका विद्यार्थीहरू अध्ययन गर्ने उक्त विद्यालयमा सहयोग गरेका हुन् ।

विद्यार्थीहरूलाई सुट र ट्राउजर पठाएका उनको सामान एविसी टेलिभिजन काठमाडौँका सहसम्पादक कविराज बि.सी. र एविसी टेलिभिजनकै ब्युरो प्रमुख रवीन्द्र पौडेलले सामान बुझेर दैलेखका लागि पठाएका छन् । केन्द्रीय कार्यालय डिल्लीबजारबाट दैलेखि सेवा समाजका अध्यक्ष प्रताव शाहीले उत्त सामान हस्तान्तरण गरेका हुन् ।

सेवा समाजमार्फत विद्यार्थीहरूका लागि आवश्यक पर्ने विभिन्न सामानहरू लामो समयदेखि वितरण गर्दै आएको मानेन्द्र चन्दले जानकारी दिएका छन् । जन्मभूमि दैलेख भएकोले अतिरिक्त काम गरेको रकम दैलेखका विभिन्न विद्यालयमा सहयोग गर्दै आएका मानेन्द्र चन्दलाई धमाका दैनिकका सम्पादक विष्णु शर्माले सबै दलित समुदाय रहेको र यहाँका बालबालिकालाई चिसोमा समस्या भएको जानकारी गराएपछि उनले सहयोग गरेका थिए ।

दैलेखी सेवा समाजका अध्यक्ष प्रताप शाही लामो समयदेखि समाज सेवामै आबद्ध छन् , जिल्लाका आम नागरिकहरूलाई परेका सवै खाले समस्या समाधानमा उनी रातदिन खट्ने गर्दछन् ।