काठमाडौं, २९ मंसिर । सत्तासाझेदार दल नेपाली कांग्रेसको केन्द्रीय कार्यसम्पादन समितिको बैठक अगाडि पदाधिकारी बैठक सुरु भएको छ ।
केन्द्रीय कार्यालय सानेपामा केन्द्रीय कार्यसम्पादन समिति बैठक सुरु हुनुभन्दा अगाडि पदाधिकारीको बैठक बसेको हो । सभापति शेरबहादुर देउवाको कार्यकक्षमा बैठक बसिरहेको छ ।
उक्त बैठकपछि केन्द्रीय कार्यसम्पादन समिति सुरु हुनेछ । आजको बैठकमा महासमिति बैठकको तयारी, जाजरकोट भूकम्प तथा समसामयिक राजनीतिक विषयमा छलफल हुनेछ ।
बैठकले आउँदो पुस १६ देखि १९ गतेसम्म हुने भनिएको पार्टीको महासमिति बैठक सार्ने निर्णय गर्नसक्ने स्रोतले जानकारी दिएको छ ।
प्रतिक्रिया दिनुहोस्