काठमाडौं, ३ पौष । नेकपा माओवादी केन्द्रको पदाधिकारी बालुवाटारमा भेला भएका छन् । पार्टीका अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’सँग छलफलका लागि बालुवाटार पुगेका हुन् ।
प्रधानमन्त्रीका प्रेस संयोजक सूर्यकिरण शर्माले बालुवाटारमा पदाधिकारी बैठक नभएर उपलब्ध नेताहरूसँगको अनौपचारिक छलफल भएको बताए ।
“पदाधिकारी बैठक त पेरिसडाँडामा नै बस्छ । काठमाडौंमा उपलब्ध नेताहरूसँग अनौपचारिक छलफल हो,” उनले भने ।
माओवादीको केन्द्रीय कार्यालयका मुख्यसचिव तथा कोषाध्यक्ष श्रीराम ढकालले भने आज पदाधिकारी बैठक राखिएको बताएका थिए । राष्ट्रियसभा निर्वाचन, पार्टीको रुपान्तरण अभियानबारे छलफल हुने बताइएको छ ।
प्रतिक्रिया दिनुहोस्