काठमाडौ १४ पौष । प्रदेशको सरोकार सङ्घ सरकारले सम्बोधन नगरेमा सङ्घर्ष गर्ने चेतावनी दिएका प्रदेशका मुख्यमन्त्रीहरुले आज प्रधानमन्त्री पुुष्पकमल दाहाल प्रचण्डसँग भेट गर्दैछन् । शुक्रबार हेटौँडा भेला भएर अन्तर प्रदेश समन्वय बैठक गरेका प्रदेशका मुख्यमन्त्रीहरुशनिबार प्रधानमन्त्री प्रचण्डलाई भेट्न काठमाडौँ पुगेका हुन् । मुख्यमन्त्रीहरूको टोलीमा सुदूरपश्चिम प्रदेशका मुख्यमन्त्री कमल शाह भने छैनन् ।

कार्यव्यतताका कारण मुख्यमन्त्री शाह हेटौँडाबाट धनगढी फर्किएका छन् । संविधान अनुसार सङ्घीयता कार्यान्वयन गर्न अधिकार माग गर्दै प्रधानमन्त्री प्रचण्डको ध्यानाकर्षण गराउन ६ प्रदेशका मुख्यमन्त्री काठमाडौँ पुगेका हुन् ।

मुख्यमन्त्रीहरुले प्रहरी समायोजन, सङ्घीय निजामती सेवा ऐन जारी गर्न माग गरेका छन् । प्रदेशले प्रयोग गरिरहेका सरकारी भवन तथा जग्गाको स्वामित्व हस्तान्तरण गर्न, साझा अधिकारका विषयका कानुन निर्माणमा सहकार्य गर्न, राष्ट्रिय वनलगायतका प्राकृतिक स्रोतको उपयोग एवम् राजस्व बाँडफाँट, वित्तीय हस्तान्तरण लगायतका माग राखेका छन् ।