काठमाडौं १८ पौष । नेपाली कांग्रेसका महामन्त्री गगन थापाले राष्ट्रियसभामा संविधानले परिकल्पना गरेअनुसारको प्रतिनिधित्व हुन नसकेको बताएका छन् । बुधबार काठमाडौंमा पूर्वकर्मचारी समाज नेपालको स्मारिका बिमोचन कार्यक्रममा थापाले राष्ट्रियसभामा विषयविज्ञहरुको प्रतिनिधित्व हुनुपर्ने परिकल्पना गरे पनि त्यसो हुन नसकेको बताए ।
महामन्त्री थापाले राष्ट्रियसभा निर्वाचनमा उमेदवार छनोट गर्ने विषयमा पार्टीहरुले सिफारिस गर्ने व्यक्तिका बारेमा संविधान अनुरुपको बहस नै नहुने अवस्था रहेको धारणा राखे ।
दलभित्रको निर्णय गर्ने थलोमै उचित प्रतिनिधित्व नहँुदा राष्ट्रियसभा सदस्य छनोटमा समस्या देखिएको उनको भनाइ छ ।
प्रतिक्रिया दिनुहोस्