काठमाडौं २५ पौष ।  प्रधानमन्त्री पुष्पकमल दाहाल ‘प्रचण्ड’ले चीनले नेपालमा प्रत्यक्ष लगानी गरेका आयोजनाबाट उत्पादित विद्युत् किन्नेबारेमा भारतले असहमति प्रकट गरेको बताएका छन् । बुधबार सिंहदरबारमा बसेको कानुन, न्याय तथा मानव अधिकार समितिको बैठकमा उनले यस्तो जानकारी दिएका हुन् ।

प्रधानमन्त्री प्रचण्डले भारतीय विदेशमन्त्री एस जयशंकर नेपाल भ्रमणमा आएका बेला भएको नेपाल–भारतबीच १० वर्षमा १० हजार मेगावाट विद्युत् सम्झौतामा भारतले चीनले लगानी गरेका आयोजनाबाट उत्पादित विद्युत् किन्न असहमति जनाएको बताए ।

उनले आफूहरूले ग्लोवल टेन्डर आह्वान गरी निर्माण भएको विद्युतलाई चीन सरकारले उत्पादन गरेको भन्न नमिल्ने बताएको जानकारी दिए । प्रधानमन्त्री प्रचण्डले यस सम्झौताले नेपाल र भारतबीच दीर्घकालमा विद्युत् व्यापारको ढोका खुलेको बताए ।