काठमाडौं ५ माघ । नेपाली राष्ट्रिय टिमका मिडफिल्डर एरिक विष्ट इन्डियन लिग ९आई लिग०को क्लब सिलोङ लाजोङ फुटबल क्लबमा अनुबन्धित भएका छन् ।

राष्ट्रिय टिम र घरेलु लिगमा उत्कृष्ट प्रदर्शन गर्दै आइरहेका एरिकलाई क्लबले बिहीबार सार्वजनिक गरेको हो । एरिकले यस सिजनको अन्त्यसम्म सिलोङबाट खेल्ने र प्रदर्शन राम्रो रहे सम्झौता नवीकरण गर्ने क्लबले जनाएको छ । एरिक अन्तर्राष्ट्रिय एजेन्सी इबिजाबाट सिलोङसम्म पुगेका हुन् ।

केही हप्ताअघि मात्र सम्पन्न नेपाल सुपर लिग ९एनएसएल०मा २३ वर्षीय एरिकले मार्की खेलाडीको रूपमा बुटबल लुम्बिनी एफसीबाट खेलेका थिए । लुम्बिनीको कप्तानी जिम्मेवारी समेत निभाएका एरिकले एनएसएलमा प्रभावशाली प्रदर्शन गरेका थिए । चर्च ब्वाइज युनाइटेडले सहिद स्मारक ‘ए’ डिभिजन लिगको उपाधि जित्दा समेत एरिक टिमका महत्त्वपूर्ण सदस्य थिए ।

सिलोङबाट खेल्ने एरिक दोस्रो नेपाली फुटबलर हुन् । यसअघि सन् २००९ मा नेपाली टिमका फरवार्ड अनिल गुरुङ सिलोङमा अनुबन्धित भएका थिए ।