काठमाडौ २९ माघ । वाणिज्य बैंकहरूले फागुन महिनाको ब्याजदर पनि घटाएका छन् । लगानीयोग्य रकम बढ्दै गएपछि बैंकहरुले साउनदेखि नै ब्याजदर घटाउँदै आएका छन् ।सञ्चालनमा रहेका २० वटा वाणिज्य बैंकहरुमध्ये १६ वटा बैंकले ब्याजदर घटाएका छन् । फागुन महिनाका लागि सबैभन्दा धेरै सिटिजन्स बैंकले ब्याजदर घटाएको छ । माघ महिनामा व्यक्तिगत मुद्दतिमा ९ दशमलव १५ प्रतिशत ब्याज दिएको यस बैंकले फागुन महिनामा अधिकतममा ८ दशमलव २५ प्रतिशत ब्याज दिने भएको छ ।

फागुनको लागि कृषि विकास बैंकले व्यक्तिगत मुद्दति निक्षेपमा अधिकतम ६ दशमलव ४४ प्रतिशत, राष्ट्रिय वाणिज्य बैंक र स्ट्याण्डर्ड चार्टर्ड बैंकले ७ दशमलव ३५ प्रतिशत ब्याजदर तोकेका छन् ।यस्तै, फागुनको लागि प्राइम कमर्सियल बैंकको ७ दशमलव ४ प्रतिशत, नेपाल बैंकको ७ दशमलव २५ प्रतिशत, सानिमा बैंकको ७ दशमलव ५१ प्रतिशत र प्रभु बैंकको ७ प्रतिशत ब्याजदर तोकिएको छ ।

नेपाल इन्भेस्टमेन्ट बैंकको अधिकतम ८ प्रतिशत, एनएमबी बैंकको ८ दशमलव ५ प्रतिशत, ग्लोबल आईएमई बैंकको ७ दशमलव ६ प्रतिशत, नबिल बैंकको ७ दशमलव ७६ प्रतिशत, नेपाल एसबीआई बैंकको ८ दशमलव १ प्रतिशत, कुमारी बैंकको ८ दशमलव ०१ प्रतिशत तथा एनआईसी एसिया बैंक र सिद्धार्थ बैंकको ८ प्रतिशत ब्याजदर छ ।
फागुनको लागि लक्ष्मी सनराइज, माछापुच्छ्रे, हिमालयन र एभरेष्ट बैंकले माघकै अधिकतम ब्याजदरलाई निरन्तरता दिएका छन् । अहिले बैंकमा निक्षेप अनुसार कर्जा बढ्न नसकेपछि लगानीयोग्य पुँजी बढ्दै गएको छ

फागुनमा कुन बैंकको ब्याजदर कति रु
कृषि विकास बैंक स् ६ दशमलव ४४ प्रतिशत
राष्ट्रिय वाणिज्य बैंक स् ७ दशमलव ३५ प्रतिशत
स्ट्याण्डर्ड चार्टर्ड बैंक स् ७ दशमलव ३५ प्रतिशत
प्राइम कमर्सियल बैंक स् ७ दशमलव ४ प्रतिशत
नेपाल बैंक स् ७ दशमलव २५ प्रतिशत
सानिमा बैंक स् ७ दशमलव ५१ प्रतिशत
प्रभु बैंक स् ७ प्रतिशत
नेपाल इन्भेस्टमेन्ट बैंक स् ८ प्रतिशत
एनएमबी बैंक स् ८ दशमलव ५ प्रतिशत
ग्लोबल आईएमई बैंक स् ७ दशमलव ६ प्रतिशत
नबिल बैंक स् ७ दशमलव ७६ प्रतिशत
नेपाल एसबीआई बैंक स् ८ दशमलव १ प्रतिशत
कुमारी बैंक स् ८ दशमलव ०१ प्रतिशत
एनआइसी एशिया बैंक स् ८ प्रतिशत
हिमालयन बैंक स् ८ दशमलव १५ प्रतिशत
लक्ष्मी सनराइज बैंक स् ८ प्रतिशत
माछापुच्छ्रे बैंक स् ८ प्रतिशत
एभरेष्ट बैंक स् ८ प्रतिशत
सिद्धार्थ बैंक स् ८ प्रतिशत
सिटिजन्स बैंक स् ८ दशमलव २५ प्रतिशत