काठमाडौं २१ फागुन । नेकपा एमालेसमेतको नयाँ सत्ता गठबन्धनको बैठक सोमबार दिउँसो २ बजे बस्ने भएको छ। सोमबार बिहान बालुवाटारमा बसेको नयाँ सत्ता गठबन्धनका शीर्ष नेताहरूको बैठकले पहिलो चरणमा सरकारमा पठाउने मन्त्रीहरूको टुंगो गरेको थियो।

यस्तोमा नयाँ सत्ता गठबन्धनले सबै खालका शक्ति बाँडफाँटको टुंगो गर्ने गरी बैठक बोलाएको हो।

एकजना नेताका अनुसार यो बैठकमा नयाँ सत्ता गठबन्धनका दलहरूबीच लिखित सम्झौताको तयारी भएको छ।

उक्त बैठकमा दलहरूबीच सबै खालको शक्ति बाँडफाँटको टुंगो गर्ने कुरा भएको छु, ती नेताले भने, ुसबै शक्ति बाँडफाँटपछि सरकारलाई अघि बढाउने तयारी नेताहरूले गरेका छन्।

गत वर्ष पुस १० गते बनेको एमाले(माओवादी गठबन्धन भत्काएर त्यसपछि फागुनमा कांग्रेसले पुरानै पाँच दलीय समीकरण फर्काएको थियो।

तर, केही दिनयताको बाक्लो छलफलपछि प्रधानमन्त्री पुष्पकमल दाहाल प्रचण्ड कांग्रेससँग काम गर्ने निष्कर्षसहित एमालेसँगको सत्ता सहयात्रालाई फेरि एक पटक रोजेका हुन्।