स्याङ्जा । चैतेदशैं मेलाको अवसरमा कालिका युवा क्लव रापाकोटले भलिवल प्रतियोगिता हुने भएको छ ।

‘कालिका युवा क्लवको शान, स्थानीय खेलाडीको पहिचान’ भन्ने मुल उद्देश्यका साथ स्याङ्जा अर्जुनचौपारी गाउँपालिका वडा नम्बर ४ स्थित कालिका युवा क्लव रापाकोटले हरेक वर्ष जस्तै यस बर्ष पनि वडा स्तरीय पुरुष भलिबल प्रतियोगिताको आयोजना गरेको हो ।

प्रतियोगितामा स्थानीय क्लवका युवा खेलाडीहरुको पूर्ण रुपमा सहभागिता रहने क्लबका अध्यक्ष मकन गुरुङले बताए ।

धार्मिक पर्यटकिय आस्थाका रुपमा परिचित रापाकोट कालिका मन्दिर प्राङ्गणमा वैशाख ४ गतेदेखि ८ गतेसम्म सन्चालन हुने पुरुष भलिबल प्रतियोगितामा पर्वत, बागलुङm स्याङ्जा लगायतका जिल्लाबाट करिब २५ वटा क्लबको सहभागिता रहने र स्थानीय खेलाडिहरुलाई विशेष ग्राहयता दिइने भएकोले प्रदेश र राष्ट्रीय टिमका खेलाडीलाई समाबेश नगरिने बताइएको छ।

प्रतियोगितामा प्रथम हुने टिमले नगद ८१ हजार शिल्ड ट्र्फि प्रमाण पत्र, द्वितीय हुनेले रु ५१ हजार, तृतिय हुनेले रु ३१ हजार र सान्त्वना हुने टिमले रु११ हजार नगद प्राप्त गर्नेछन । कार्यक्रममा बिबिध साँस्कृतिक प्रस्तुतीहरु रहने अध्यक्ष गुरुङले बताए।