काठमाडौं २५ बैशाख । चिनीको मुल्यमा स्थिरता कायम तथा आपूर्तिमा सहज व्यवस्थापन गराउन राष्ट्रिय स्वतन्त्र पार्टीले उद्योग, वाणिज्य तथा आपूर्ति मन्त्री दामोदर भण्डारीको ध्यानाकर्षण गराएको छ ।

चिनी उत्पादनमा आत्म–निर्भर हुदैँ निर्यात गर्न सक्ने पर्याप्त सम्भावना रहँदा समेत राष्ट्रिय मागको करिब ६० प्रतिशत चिनी मात्र आन्तरिक उत्पादनले धानेको ध्यानाकर्षण पत्रमा उल्लेख गरिएको छ ।

रास्वापाको उद्योग तथा वाणिज्य विभागका प्रमुख गणेश पराजुलीको नेतृत्वमा गएको टोलीले गत वर्ष समयमा नै चिनी मौज्दातको पर्याप्त व्यवस्थापन गर्न सरकार चुकेको ध्यानाकर्षण पत्रमा उल्लेख गरिएको छ ।

सरकार व्यवस्थापनमा चुक्दा दशैं र तिहारको २२० रुपैयाँ सम्म प्रतिकेजी चिनिको मूल्य परेको जनाइएको छ । अभावको समयमा कालोबजारी र चोरी आयातले प्रसय पाउँदा भन्सार कर प्राप्तिबाट पनि बञ्चित हुनु परेको तथ्य मन्त्री भण्डारीलाई रास्वपाले देखाएको छ ।

‘अनुमानित माग, वार्षिक करिब ३ लाख मेट्रिक टनको ५८ प्रतिशतदेखि ६० प्रतिशतसम्‍म मात्र आन्तरिक उत्पादनले धान्ने देखिन्छ । त्यसकारण करिब ४० प्रतिशत अर्थात १ लाख २० हजार मे।टन चिनी अपुग हुने प्रष्ट देखिन्छ,’ ध्यानाकर्षण पत्रमा भनिएको छ,‘यतिखेर छिमेकी देशका उपभोक्ताले प्रति केजी रूपैयाँ ८६र(९ भारतीय रुपैयाँ ५५र(० मा चिनी उपभोग गर्न पाइरहेका छन् भने सिमाना वारी हाम्रोमा रु १०० प्रतिकेजी तिर्दै आएको विषयमा मन्त्रालय बेखबर छैन ।’