काठमाडौं ६ जेठ । नेपाली कांग्रेसले रवि लामिछानेको सहकारी घोटाला प्रकरणको संसदीय छानबिन समिति गठन नभएसम्म प्रधानमन्त्रीले विश्वासको मत लिने संसद बैठक पनि चलन नदिने चेतावनी दिएको छ ।
संसदमा रवि लामिछानेको सहकारी घोटाला ससम्वन्धी जबाफ लगत्तै कांग्रेस महामन्त्री गगनकुमार थापाले पत्रकार सम्मेलन गरी संसदीय छानबिन समिति गठन नभएसम्म प्रधानमन्त्रीले विश्वासको मत लिने बैठक पनि चल्न नदिने बताएका हुन् ।
सोमबार प्रधानमन्त्री पुष्पकमल दाहाल प्रचण्डले विश्वासको मत लिने तयारी गरेका छन् । तर महामन्त्री थापाले जुन उद्देश्यका लागि छानबिन समिति माग गरिएको हो, त्यही अनुसार गठन भए मात्र संसद चल्न दिने भन्दै लामिछानेलाई कांग्रेसलाई औंला उठाउनु भन्दा आफ्ना जीउ पखाल्नु उपयुक्त हुने सुझाव दिएका छन् ।
प्रतिक्रिया दिनुहोस्