काठमाडौं २५ जेठ । पूर्वप्रधानमन्त्री तथा नेकपा एमालेका अधक्ष केपी शर्मा ओलीले भारतका प्रधानमन्त्रीको शपथ कार्यक्रममा यसअघि पनि नेपालको प्रतिनिधित्व हुने गरेको बताएका छन्।

शुक्रबार भरतपुर विमानस्थलमा सञ्चारकर्मीसँगको कुराकानीका क्रममा उनले यसअघि आफू र सुशिल कोइराला पनि भारत गएको प्रसंग सुनाए।

भारतको प्रधानमन्त्रीको शपथमा नेपालको प्रधानमन्त्री जानु कतिको आवश्यक होरु भन्ने सञ्चारकर्मीको प्रश्नको जवाफमा ओलीले भने, ‘जानुपर्छ। जाने गरेको छ। यो भन्दा अगाडि म पनि गएको थिएँ। ०७४ मा सुशिल कोइरालाजी जानुभएको थियो।’

साथै, उनलाई सञ्चारकर्मीले यही बेलामा राजदूत फिर्ता किन गर्नपरेको होरु भन्ने प्रश्नगरेका थिए। जवाफमा ओलीले भनेका छन्, ‘सरकारलाई मन लाग्यो हो, यो परराष्ट्रमन्त्री र प्रधानमन्त्रीले जान्ने कुरा भयो।’

उनले सरकारका यस्ता विषयहरूको जानकारी आफूलाई हुने नगरेको पनि बताए। ‘हामी हरेकले थाहा पाउँदैनौं यस्तो कुरारु,’ ओलीले भने।