काठमाडौं २६ असार । राष्ट्रिय स्वतन्त्र पार्टीको महामन्त्रीलगायतका सबै जिम्मेवारीबाट निष्कासनमा परेका मुकुल ढकालले सभापति रवि लामिछानेको दोहारो राहदानी र उनको सहकारी गठीसम्वन्धी उच्चस्तरीय आयोग बनाउन चेतावनी दिएका छन् । पार्टीले निश्काशन गरेपछि बुधबार पत्रकार सम्मेलन गरेका पार्टीका संस्थापक ढकालले भने रवि लामिछानेले एकैपटक अमेरिकी र नेपाली राहदानी राख्नेमात्र होइन प्रयोग पनि गरेका थिए । त्यो घटनालाई हामीले प्राविधिक त्रुटीजस्तो मानेर महत्व नदिए पनि अब छानविन गर्नु पर्ने समय आएको बताए ।
गत १९ गतेको बैठकमा मुखमा कालो टेप लगाएर बस्नु आफ्नो कमजोरी भएको हुनसक्ने उनले स्वीकार गरेका छन् । तर त्यसपछि बैठक स्थगित गरेर आफूसँग संवाद गर्नुका साटो बैठक जारी राख्नु लामिछाने क्लवले मलाई हटाउन खोजेको कुनियत प्रष्ट भएको आरोप लगाए । उनले भने त्यसपछि पनि मैल् सभापतिसँग संवाद गर्न खोजें तर उनले मानेनन् ।

सभापति लामिछानेप्रति निकै असन्तुष्ट देखिएका डा. ढकालले सहकारी ठगी प्रकरणमा छानबिन गर्न माग गरे । पछिल्लो पटक सर्वोच्च अदालतले नै लामिछानेमाथि अनुसन्धान गर्नुपर्छ भनिसकेको भन्दै उनले भने, ‘यसमा रास्वपाको धारणा के छ ? पार्टीले स्वतन्त्र छानबिन समिति गठन गर्नुपर्छ ।’

छानविन समितिमा बस्नेहरु लामिछानेले नभई राजदूत छनोट जस्तै प्रक्रियामा अपनाए जस्तै सार्वजनिक आह्वान गरेर इमान्दार र विज्ञहरुको आयोग बनाउन उनले माग गरेका छन् ।

उनले लामिछानेको पासपोर्ट प्रकरणबारे पनि पार्टीले छानबिन गर्नुपर्ने उनको माग छ । यो मुद्दामा उनी दोषी ठहर भए भोलिका दिनमा चुनाव नै लड्न नपाउने भन्दै उनले भने, ‘यो पार्टी जीवनसँग जोडिएकाले उच्चस्तरीय छानबिन गर्नुपर्छ ।’

ढकालले आफूले जनताको कुरा बोल्दा कारबाही गरेको भन्दै आगामी महिना प्रस्ताव यात्रा सुरु गर्ने र कसरी जाने भनेर जनतालाई सोध्ने बताए ।

पार्टीभित्र आार्थिक हिनमिना
ढकालले रास्वपाभित्र आर्थिक पारदर्शिता नरहेको उनले आरोप खुलासा गरेका छन्।
‘उपसभापति डिपी अर्यालले साथीहरूले दिएको पैसा पार्टीलाई नदिई सीधै आफ्नो खल्तीमा राख्नुभएको छ। दुई साताअघि पनि त्यस्तो भएको छ,’ ढकालको आरोप छ, ‘कानुनअनुसार पार्टीले ऋण लिन नपाउने प्रावधानबारे मैले सम्झाउँदा पनि अर्यालले पार्टीको ऋणको नाममा पैसा कारोबार गरिरहनुभयो।’