काठमाडौं २८ असार शुक्रबार प्रतिनिधि सभाको बैठकमा प्रधानमन्त्री पुष्पकमल दाहाल प्रचण्डले राखेको आफूप्रतिको विश्वासको मत असफल भएसँगै प्रधानमन्त्री पदबाट मुक्त भएका छन् । २५८ सदस्य उपस्थित भएमध्ये प्रधानमन्त्री प्रचण्डको पक्षमा जम्मा ६३ मत र विपक्षमा १९४ मत परेको थियो । त्यसैगरी मत दिन्न भन्ने पक्षमा १ मत परेको थियो । प्रचण्ड २०७९ पुस १० गते संयुक्त सरकारको प्रधानमन्त्रीका रुपमा नियुक्त भएका थिए । यस अघि पनि पटक पटक गरी ४ पटक विश्वासको मत जितेका प्रचण्डले यसपटक भने कांग्रेस र एमालेमिलेर केपी शर्मा ओलीको ननेतृत्वसमा सरकार गठन गर्ने सहमति गरेसँगै अल्पमतमा परेका हुन् ।
आजै सभामुखले संसदको कार्यबाही सम्वन्धी जानकारी राष्ट्रपतिलाई गराएसँगै राष्ट्रपतिले नयां सरकार गठनका लागि आह्वान गर्नेछन् ।
यस अघि विश्वासको मत प्रस्ताव गर्दै प्रधानमन्त्री प्रचण्डले १९ महिनामा सरकारले गरेका कामहरुको फेहरिस्त प्रस्तुत गर्दै एमालेले अध्यक्ष ओलीले आफूलाई झुक्याएर पदमुक्त गर्ने षडयन्त्र गरेको आरोप लगाएका थिए।