मैले खोलेको सिरोहियाको फाइल केही पनि होइन भन्न मिल्छ ? -रबि लामिछाने
काठमाडौं १४ साउन । राष्ट्रिय स्वतन्त्र पार्टीका सभापति रवि लामिछानेले कांग्रेस-एमालेलाई रास्वपाको चिन्ता नगर्न आग्रह गरेका छन् । प्रतिनिधिसभाको बैठकमा बोल्दै उनले दुई ठूला दल मिलेर बनेको सरकारले रास्वपालाई तार्गेट बनाएर एकपछि अर्को आरोप लगाएको जिकिर गरे ।
उनले कांग्रेस महामन्त्री विश्वप्रकाश शर्माको हिजो कान्तिपुर मिडिया ग्रुपका अध्यक्ष कैलाश पक्राउ प्रकरणमा दिइएको अभिव्यक्तिमा आपत्ति जनाए ।
उनले भने, ‘उहाँको नागरिकता प्रकरणमा अनुसन्धान जारी छ, लामो अनुसन्धानको विषय छ । तर, उहाँले खुदा पहाड निक्ला चुहा, तपाईंले खोल्नुभएको केही पनि होइन भनेर संसदलाई गुमराहमा राख्न मिल्छ ?’
उनले आफूले कुनै पूर्वाग्रह राखेर नागरिकता प्रकरणको छानबिन अघि नबढाएको जिकिर गरे ।
उनले थपे, ‘कान्तिपुर टेलिभिजनमा समाचार पढ्ने मान्छेको कमी भए म समाचार पढ्छु । मलाई माया छ । कान्तिपुरसहित यो देशका पत्रपत्रिकाले दिएको योगदानको प्रशंसा गर्छु । तर, संस्थाको योगदान र व्यक्तिको कुरालाई एकैठाउँमा राखेर हेर्न मिल्दैन ।
बाँसबारी, टीकापुरसहित विभिन्न विषयको अनुसन्धान भइरहेकाले फाइल उनीहरूलाई नै जिम्मा लगाउने बताए । उनले अनुसन्धानमा रहेको विषयलाई पूर्वाग्रह साँधेको केही पनि होइन भनेर सदनमा भ्रम छरेको दाबी पनि गरे ।
रविले भने, ‘उहाँहरू मिल्दैमा अब सहकारी बन्धुको भाषा हामी बन्द भएको हेर्न चाहँदैनौं । स्काउट ड्रेसमा बाँसबारी जुत्ता लगाएर बालमन्दिर हुँदै टीकापुर हिँडेको नक्कली भुटानी बन्धु भन्ने आँट गरुन् ।’
प्रतिक्रिया दिनुहोस्