काठमाडौं १७ साउन । भारतको दक्षिणी राज्य केरलामा गएको भीषण भूस्खलन र बाढीका कारण अहिलेसम्म २७६ जनाको मृत्यु भएको छ । भारतीय सञ्चारमाध्यमकाअनुसार केरलाको वायनाड जिल्लाको मेप्पडी नजिकैको पाहाडी क्षेत्रमा विनाशकारी भूस्खलनपछि बिहीबार बिहानसम्म २०० भन्दा बढी घाइते भएका छन् । केरलाका मुख्यमन्त्री पिनाराई विजयनले २४० जना बेपत्ता रहेको बताएको इन्डियन एक्सप्रेसले लेखेको छ । भूस्खलनका कारण १५०० भन्दा बढीलाई प्रभावित क्षेत्रबाट उद्धार गरिएको छ। काङ्ग्रेस नेता राहुल गान्धी, प्रियङ्का गान्धी र केसी वेणुगोपाल कन्नुर एयरपोर्टमा पुगेका छन्। उनीहरूलाई राहत शिविर र मेडिकल कलेजमा राखिएको छ।
सरकारका विभिन्न एजेन्सीहरू र सशस्त्र सेनाहरूले खोजी र उद्धार कार्य गरिरहेका छन् ।
मनोरमाबाट प्राप्त रिपोर्टअनुसार सेनाले उद्धार कार्यलाई तीव्र पार्न मुण्डक्काईमा बेली पुल निर्माण गरेको छ। ४ हजारभन्दा भन्दा बढी विस्थापित व्यक्तिहरूलाई आश्रय बिन वायनाडमा ४५ वटा राहत शिविरहरू खडा गरिएको गरिएको मुख्यमन्त्री विजयनले बताएका छन्।\

https://x.com/PTI_News/status/1818643476591820970

केरलाको भूस्खलनमा २७६को मृत्यु, २४० बेपत्ता र ४ हजार बढी विस्थापित