काठमाडौं २ भदौ । इन्डोनेसियाले अगस्ट १७ मा शनिबार देशको नयाँ राजधानी नुसान्तारामा पहिलोपटक आफ्नो स्वतन्त्रता दिवस मनाएको छ।
तर, नयाँ राजधानीका धेरै ठाउँमा निर्माणका काम जारी रहेकाले स्वतन्त्रता दिवसलाई समारोहमै सीमित गरिएको बीबीसीले जनाएको छ।
इन्डोनेसिया सरकारले ७९औँ स्वतन्त्रता दिवसको अवसरमा नयाँ राजधानीको उद्घाटन गर्ने अपेक्षा गरिएको थियो।
तर हाल इन्डोनेसियाले यो सहर बसाउन आर्थिक कठिनाइको सामना गरिरहेको छ।
अत्यधिक भिडभाड, भूकम्पीय जोखिम, जलवायु परिवर्तनका कारण समुद्र सतह बढ्दा हुने डुबान तथा बढ्दो प्रदूषणका कारण इन्डोनेसियाले जकार्ताबाट राजधानी नुसानतारामा सार्ने निर्णय गरेको हो।
समुद्री सतह बढ्ने विद्यमान दर जारी रहेमा सन् २०५० सम्म जकार्ताको एकतिहाइ भूभाग डुबानमा पर्ने आकलन गरिएको छ।
प्रतिक्रिया दिनुहोस्