काठमाडौं १५ भदौ । प्रधानमन्त्री केपी शर्मा ओलीले आफ्नो कार्यकाल १ वर्ष १० महिना १५ दिन मात्रै बाँकी रहेको खुलासा गरेका छन्।
शनिबार क्याप्टेन रामेश्वर थापाद्वारा लिखित पुस्तक विमोचन कार्यक्रममा प्रधानन्त्री ओलीले आफ्नो कार्यकाल सकिनु भन्दा एक हप्ता पहिले देउवाजीलाई सत्ता हस्तान्तरण गर्ने पुनः दोहराएका छन् ।
‘मलाइ मन नपराउनेहरुका लागि म खुशीको खबर छ, अब मेरो यसपल्ट प्रधानमन्त्रीको कार्यकाल १ वर्ष १० महिना १५ दिन मात्रै बाँकी छ,’ उनले भने।
प्रधानमन्त्री ओलीले आफ्नो कार्यकाल सकिनुभन्दा हप्ता दिनअघि नै पद छाड्ने पनि बताए।
‘त्योभन्दा पनि अलि हप्तादिन अगाडी नै छोड्छु भनेको छु मैले । बढी खाउँ भन्ने होइन कि बरु समयमै हस्तान्तरण गरौँ भन्ने छ, ’ प्रधानमन्त्री ओलीले भने।
प्रतिक्रिया दिनुहोस्