काठमाडौं ७ असोज । भारतीय प्रधानमन्त्री नरेन्द्र मोदीले आफूहरूको पहिलो प्राथमिकता छिमेक नीति भएको बताएका छन्। संयुक्त राष्ट्रससंघ ७९औँ महासभामा भाग लिन अमेरिकाको न्युयोर्क पुगेका प्रधानमन्त्री मोदीले नेपालका समकक्षी केपी शर्मा ओलीसँगको भेटपछि यस्तो प्रतिक्रिया दिएका हुन्।

न्युयोर्कमा भएको भेटमा दुवै मुलुकका विदेशमन्त्री र अन्य अधिकारीसहित भेटवार्ता भएको थियो।

भेटपछि प्रधानमन्त्री मोदीले न्युयोर्कमा ओलीसँग भएको भेट राम्रो भएको प्रतिक्रिया दिएका छन्।

‘छिमक पहिलो नीति अन्तर्गत नेपाल–भारतको प्राथमिकता साझेदार हो,’ मोदीले भनेका छन्, ‘हाम्रो यो नीतिलाई अघि बढाउन संयुक्त राष्ट्रसंघको बैठकले निरन्तरता दिएको छ।’

उनीहरूबी भारत र नेपाल बीचको अद्वितीय र घनिष्ठ द्विपक्षीय सम्बन्धको समीक्षा भएको बताइएको छ।

जलविद्युत सहयोग, जनता(जनताको सम्बन्ध र कनेक्टिभिटी(भौतिक, डिजिटल जस्ता विविध क्षेत्रमा भएको प्रगतिमा मोदीले सन्तुष्ट व्यक्त गरेका छन्।