काठमाडौं १४ असोज । सर्वोच्च अदालत प्रशासनले नेपाल बार एसोसिएसनका अध्यक्ष गोपालकृष्ण घिमिरेविरुद्ध अवहेनासम्बन्धी मुद्दा दर्ता गर्ने तयारी गरेको छ।

घिमिरेले गत असोज ११ गते प्रधानन्यायाधीश विश्वम्भरप्रसाद श्रेष्ठले आर्थिक लेनदेनको आधारमा न्यायाधीश नियुक्तिका लागि सिफारिस गरेको गम्भीर आरोप लगाएका थिए।

घिमिरेले आफूलाई सक्ने भए जेल हाल्न चेतावनीसमेत दिएका थिए।

सर्वोच्च प्रशासन स्रोतका अनुसार, घिमिरेविरुद्ध अवहेलानसम्बन्धी मुद्दाको तयारीका लागि प्रतिवेदन उठाउने काम भइरहेको छ।

प्रधानन्यायाधीशलाई बार अध्यक्षको गम्भीर आरोप– लेनदेनको आधारमा न्यायाधीश नियुक्तिको सिफारिस भयो

आगामी असोज २० गते अवकासमा जान लागेका प्रधानन्यायाधीश श्रेष्ठ नेतृत्वको न्याय परिषद्को गत शुक्रबार बसेको बैठकले सर्वोच्च अदालतमा २ जना न्यायाधीश नियुक्तिका लागि सिफारिस गरेको थियो।

नेपाल बारले त्यसको विरोध गर्दै आएको थियो।

सर्वोच्च अदालतको न्यायाधीशमा उच्च अदालत पाटनका मुख्य न्यायाधीश नृपध्वज निरौला र उच्च अदालत तुलसीपुरका न्यायाधीश नित्यानन्द पाण्डेयलाई नियुक्तिका लागि परिषदले सिफारिस गरेको थियो।