काठमाडौं । कैलालीबाट अछाम जाँदै गरेको गाडी दैलेखको तल्लो डुङ्गेश्वर नजिक दुर्घटना हुँदा १३ जना घाइते भएका छन्।
सु.प्र ०१००१ ख ३०४६ नम्बरको हायस दैलेखको गुराँस गाउँपालिका–२ तल्लो डुङगेश्वर नजिक मङ्गलबार साँझ सडक भित्तामा ठोक्किएको अछाम प्रहरीले जनाएको छ।
घाइतेमध्ये तीनजनाको अवस्था गम्भीर छ। पाँचजना अवस्था मध्यम र पाँच सामान्य रहेको अछाम प्रहरी प्रमुख प्रहरी नायब उपरीक्षक ईश्वरीप्रसाद भण्डारीले जानकारी दिए। उनका अनुसार घाइते सबैलाई उपचारका लागि प्रादेशिक अस्पताल सुर्खेत लगिएको छ।
दुर्घटनालगत्तै गाडीका चालक विमल दमाई फरार छन्। उनको खोजी भइरहेको र दुर्घटनाबारे थप अनुसन्धान गरिरहेको प्रहरीले जनाएको छ।
प्रतिक्रिया दिनुहोस्