आज (मंगलबार) देखि बीपी राजमार्गमा ठूला बस पनि चल्न थालेका छन्।
रोसी नदीले सडक बगाएका स्थानमा अस्थायी ट्र्याक खोलेर आजदेखि यात्रुवाहक साना/ठूला दुवै खालका सवारीसाधन सञ्चालन गर्न दिइएको हो।
सडक डिभिजन भक्तपुरका प्रमुख सुमन योगेशले यसअघि यात्रुवाहक साना सवारीसाधन मात्र सञ्चालन गर्न दिइएकामा आज बिहानदेखि यात्रुवाहक ठूला बस पनि चल्न दिइएको जानकारी दिए।
‘हिजोसम्म यात्रुवाहक साना सवारीसाधन मात्र चल्न दिएका थियैँ’, डिभिजन प्रमुख योगेशले मंगलबार बिहान नेपालखबरसँग भने, ‘दसैँमा काठमाडौँबाट विभिन्न स्थानमा घर गएकाहरूलाई फर्किन सजिलो होस् भनेर यात्रुवाहक सबै खालका सवारीसाधनलाई सञ्चालन गर्न अनुमति दिएका छौँ।’
उनका अनुसार अहिलेलाई रुट परमिट लिएका यात्रुवाहक सवारीसाधनलाई मात्र बीपी राजमार्गमा सञ्चालन अनुमति दिइएको हो।
प्रतिक्रिया दिनुहोस्