काठमाडौं २ कात्तिक । विपक्षी दलहरूले सरकारले नचाहिँदो काम गर्न थालेको उल्लेख गर्दै अब प्रतिनिधि सभाको विशेष अधिवेशन बोलाउने माग गर्नेबारे छलफल गरेका छन् । उनीहरुले सुरूमा सरकारलाई सरकारलाई ज्ञापन पत्र बुझाउने र त्यसपछि पनि आफ्ना मागहरू सम्बोधन नगरे विशेष अधिवेशन माग गर्ने कुरा भएको हो ।

बैठकमा सहभागी आम जनता पार्टीका अध्यक्ष प्रभु साहले यो विषयमा राष्ट्रपति सम्मलाई भेटेर जानकारी गराउने कुरा भएको बताए ।

बाढी पहिरोपछिको पुनर्स्थापना लगायतका काममा सरकारले तदारुकता नदिएको निष्कर्ष पनि बैठकको छ । बैठकमा नेकपा माओवादी केन्द्रका अध्यक्ष पुष्पकमल दाहालले रास्वपा सभापति रवि लामिछाने पक्राउ पर्न सक्ने बताएका छन् । अध्यक्ष दाहालले शुक्रबार प्रतिपक्षी दलहरूको बैठकमा रास्वपा सभापति लामिछानेलाई पक्राउ गर्न लागिएकोबारे आफूले सूचना पाएको पनि उल्लेख गरेका थिए ।