काठमाडौं ८ कात्तिक ।   संयुक्त राष्ट्र संघ यूएन दिवसका अवसरमा काठमाडौँस्थित मुख्यालयमा नेपाली सेनाले आज विशेष कार्यक्रम गरेको छ।

सेनाको मुख्यालय जंगी अड्डामा बिहीबार बिहान प्रधानमन्त्री केपी शर्मा ओलीको उपस्थितिमा विशेष समारोह आयोजना गरिएको हो।

समारोहलाई सम्बोधन गर्दै प्रधानमन्त्री ओलीले विश्वमा शान्ति स्थापना र विपद व्यवस्थापनमा संयुक्त राष्ट्र संघले गरेको पहल र त्यसमा नेपाली सेनाले पुर्‍याएको योगदानको प्रशंसा गरे।

कार्यक्रममा नेपाली सेनाले मार्चपास गर्नुका साथै विभिन्न सांस्कृतिक झाँकी प्रस्तुत गरेको थियो। कार्यक्रम स्थलमा नेपाली सेनाको हेलिकप्टरबाट पुष्पवृष्टिसमेत गराइएको थियो।

सन् १९४५ अक्टोबर २४ मा यूएनको स्थापना भएको हो।

सन् १९४७ मा संयुक्त राष्ट्र महासभाले अक्टोबर २४ लाई संयुक्त राष्ट्रसङ्घको बडापत्रको वार्षिकोत्सव घोषणा गरेको थियो।